Skip to main content

தமிழகம்! ஜாக்கிரதை!

இந்தியாவை பொறுத்த வரை பயங்கரவாதத்தினால் அதிகமாக பாதிக்கப் படாத மாநிலமாகத்தான் தமிழகம் இருந்து வந்திருக்கிறது. ஆனால், தமிழகத்தில் ரயிலை கவிழ்க்க சதி செய்யப்பட்டுள்ளதாக இன்று வந்த செய்தி உண்மையிலேயே அதிர்ச்சியளிப்பதாக உள்ளது. ரயில்வே துறை ஊழியர்களின் சமயோசிதமான செயல்பாடுகள்தான் மலைகோட்டை எக்ஸ்பிரஸ் சந்திக்கவிருந்த மிகப் பெரிய விபத்தினை தவிர்த்து ஆயிரக்கணக்கான பொதுமக்களின் உயிரை காப்பாற்றி உள்ளது. அவர்களுக்கு மனமார்ந்த பாராட்டு தெரிவிக்கும் அதே நேரத்தில், தமிழகம் விழிப்புடன் இருக்க வேண்டிய கட்டம் இது என்பதையும் இங்கு பதிய விரும்புகிறேன்.

ராஜபக்சேயின் இந்திய வருகையை எதிர்த்து அச்சிடப் பட்ட நோட்டிஸ்கள் அந்த இடத்தில் கண்டுபிடிக்கப் பட்டதாக போலீஸ் தரப்பு தெரிவிக்கின்றது. இது உறுதிபடுத்த முடியாத தகவல் என்பதால் உடனடியாக யார் மீதும் குற்றம் சாட்டி விட முடியாது என்றாலும், சதி வேலையில் ஈடுபட்டவர்களின் நோக்கம் எதுவாக இருந்தாலும் அது எவ்வளவு உயர்வாக இருந்தாலும், அவர்கள் கண்டிக்கப் படவேண்டியவர்கள் மற்றும் சட்டத்தினால் தண்டிக்கப் பட வேண்டியவர்கள்.

வட மாநிலங்களில் வாழ்ந்தவன் என்ற முறையில் பயங்கரவாதத்தின் வலியை நேரடியாக உணர்ந்தவன் நான். அந்த வகையில் நான் சொல்லிக் கொள்ள விரும்புவது, எந்த காரணத்தினை முன்னிட்டும், பயங்கரவாதத்திற்கு தமிழகத்தில் இடமளித்துவிடக் கூடாது. சதிக்கும்பலை உடனடியாக கண்டுபிடித்து சட்டத்திடம் ஒப்படைக்க வேண்டியது அரசின் கடமை. அரசின் உறுதியான நடவடிக்கைகளுக்கு பொதுமக்களும் எதிர்கட்சிகளும் துணை நிற்க வேண்டும் என்பது எனது விருப்பம்.

நன்றி!

Comments

Btc Guider said…
அரசியலில் உள்ள சில நாதேரிகள் திருந்திவிட்டாலே பல கேடு விளையும் செயல்களை விட்டு தமிழகம் பாதுகாப்பாக இருக்கும்.

முன்புபோல் அதிகமாக பதிவுகள் போடுவதில்லேயே சார்.

பகிர்வுக்கு நன்றி சார்.
Thomas Ruban said…
//ராஜபக்சேயின் இந்திய வருகையை எதிர்த்து அச்சிடப் பட்ட நோட்டிஸ்கள் அந்த இடத்தில் கண்டுபிடிக்கப் பட்டதாக போலீஸ் தரப்பு தெரிவிக்கின்றது. இது உறுதிபடுத்த முடியாத தகவல் என்பதால் உடனடியாக யார் மீதும் குற்றம் சாட்டி விட முடியாது//

தீவிரவாதம் நடக்கும் இடங்களில் எல்லாம் அது எப்படி துண்டு நோட்டிஸ்கள் போலீசார் கைகளில்
கிடைக்கிறது, ஆச்சிரியமாக உள்ளது.


//எந்த காரணத்தினை முன்னிட்டும், பயங்கரவாதத்திற்கு தமிழகத்தில் இடமளித்துவிடக் கூடாது. //

தமிழகத்தை மட்டும் ஏன் பிரித்து பார்க்கிறிர்கள். இந்தியவில் மடடும்மல்ல உலகத்தில் தீவிரவாதம்
எங்கு நடந்தாலும் கண்டிக்கக்கூடிய
விசயம்தான்.தீவிரவாதத்தால் அதிகம் பதிக்கப்படுவது அப்பாவி மக்கள் தான்.

பதிவுக்கு நன்றி சார்.
Swengnr said…
வணக்கம்,
அற்புதமான பதிவு!
அன்பு பதிவர்களே/நண்பர்களே,
என்னுடைய முதல் பதிவு இங்கே போட்டு இருக்கிறேன். தயவு செய்து பாருங்கள், பிடித்தால் ஓட்டு போடுங்கள்!
http://kaniporikanavugal.blogspot.com/
Maximum India said…
நன்றி ரஹ்மான்!

//அரசியலில் உள்ள சில நாதேரிகள் திருந்திவிட்டாலே பல கேடு விளையும் செயல்களை விட்டு தமிழகம் பாதுகாப்பாக இருக்கும்.//
உண்மைதான் நண்பரே!

//முன்புபோல் அதிகமாக பதிவுகள் போடுவதில்லேயே சார்.//

பொதுவாகவே உற்சாகமான மனிதன்தான் நான். ஆனால் சமீபத்தில் நிகழ்ந்த சில விரும்பத்தகாத நிகழ்வுகள், எனது உற்சாகத்தில் ஓட்டை விழச் செய்து விட்டன. உலகில் உள்ள தனது எல்லா கெட்ட குணங்களையும் விலக்கிக் கொண்டாலும், "சலிப்பு தன்மையை" மட்டும் விலக்கிக் கொள்ள முடியாது என்று சாத்தான் ஒருமுறை சொன்னாராம். அந்த அளவுக்கு மோசமானது, "சலிப்பு தன்மை". இப்போது என்னுடைய போராட்டம் எல்லாம் அந்த சலிப்புத்தன்மையுடன்தான். மீண்டு வர வேண்டும். மீண்டும் வர வேண்டும் என்பதுதான் எனது இப்போதைய எதிர்பார்ப்பு, நோக்கம் எல்லாமும்.

அக்கறையான விசாரிப்பு நன்றி ரஹ்மான்!
Maximum India said…
நன்றி தாமஸ் ரூபன்!

//தமிழகத்தை மட்டும் ஏன் பிரித்து பார்க்கிறிர்கள். இந்தியவில் மடடும்மல்ல உலகத்தில் தீவிரவாதம்
எங்கு நடந்தாலும் கண்டிக்கக்கூடிய
விசயம்தான்.தீவிரவாதத்தால் அதிகம் பதிக்கப்படுவது அப்பாவி மக்கள் தான். //

நீங்கள் சொல்வது போல தீவிரவாதம் எங்கு நடந்தாலும், எந்த வடிவத்தில் இருந்தாலும், எந்த நோக்கத்திற்காக நடத்தப் பட்டாலும் கண்டிக்கப் பட வேண்டியதுதான். அதே சமயம், தமிழகம் இது வரை அதிகம் பாதிக்கப் படாத பகுதியாக இருப்பதால், இந்த பிரச்சினையை முளையிலேயே கிள்ளி எறிந்து விட வேண்டும் என்பதுதான் என் விருப்பம். எனவேதான், தமிழகத்திற்கான "சிறப்பு எச்சரிக்கையாக" இந்த பதிவு.

நன்றி!
Maximum India said…
//வணக்கம்,
அற்புதமான பதிவு!
அன்பு பதிவர்களே/நண்பர்களே,
என்னுடைய முதல் பதிவு இங்கே போட்டு இருக்கிறேன். தயவு செய்து பாருங்கள், பிடித்தால் ஓட்டு போடுங்கள்!
http://kaniporikanavugal.blogspot.com///

உங்கள் வரவு பதிவுலகுக்கு நல்வரவாகட்டும்.

முதல் பதிவுக்கு வாழ்த்துக்கள்!
Anonymous said…
இந்த விஷயத்தில் அரசியல் ரீதியாயகவோ அல்லது மதரீதியாகவோ வேற்றுமை பார்க்காமல் எல்லோரும் ஒற்றுமையாக இருந்து இதுபோன்ற சம்பவங்கள் இனிமேல் ஏற்படாமல் இருக்க பாடுபடவேண்டும். எந்த ஒரு விஷயத்திற்கும் அப்பாவி மக்களை ஏன் குறி வைக்கிறார்கள். இதுபோன்ற செயல்களில் ஈடுபடுபவர்களுக்கு (யாராயினும் சரி) அதிகபட்ச தண்டனை கொடுக்க முயற்சிக்க வேண்டும்.
Thomas Ruban said…
//பொதுவாகவே உற்சாகமான மனிதன்தான் நான். ஆனால் சமீபத்தில் நிகழ்ந்த சில விரும்பத்தகாத நிகழ்வுகள், எனது உற்சாகத்தில் ஓட்டை விழச் செய்து விட்டன. உலகில் உள்ள தனது எல்லா கெட்ட குணங்களையும் விலக்கிக் கொண்டாலும், "சலிப்பு தன்மையை" மட்டும் விலக்கிக் கொள்ள முடியாது என்று சாத்தான் ஒருமுறை சொன்னாராம். அந்த அளவுக்கு மோசமானது, "சலிப்பு தன்மை". இப்போது என்னுடைய போராட்டம் எல்லாம் அந்த சலிப்புத்தன்மையுடன்தான். மீண்டு வர வேண்டும். மீண்டும் வர வேண்டும் என்பதுதான் எனது இப்போதைய எதிர்பார்ப்பு, நோக்கம் எல்லாமும். //

உங்கள் நல்ல உள்ளத்துக்கு,எல்லாம் வல்ல இறைவன் எப்போதும் துணையிருப்பான்.

உங்களுக்காக இறைவனிடம் பிராத்திக்கிறேன்.

நன்றி சார்.
Maximum India said…
நன்றி ஜாபர்!

//இந்த விஷயத்தில் அரசியல் ரீதியாயகவோ அல்லது மதரீதியாகவோ வேற்றுமை பார்க்காமல் எல்லோரும் ஒற்றுமையாக இருந்து இதுபோன்ற சம்பவங்கள் இனிமேல் ஏற்படாமல் இருக்க பாடுபடவேண்டும். எந்த ஒரு விஷயத்திற்கும் அப்பாவி மக்களை ஏன் குறி வைக்கிறார்கள். இதுபோன்ற செயல்களில் ஈடுபடுபவர்களுக்கு (யாராயினும் சரி) அதிகபட்ச தண்டனை கொடுக்க முயற்சிக்க வேண்டும்.//

உண்மைதான் நண்பரே! பயங்கரவாதத்திற்கு மதமும் இல்லை, மொழியும் இல்லை, இனமும் இல்லை.

பயங்கரவாதிகள் உண்மையில் கோழைகள். அதனால்தான் அவர்கள் எப்போதும் ஆயுதம் ஏந்தாத பொதுமக்களையே குறி வைக்கின்றனர். அவர்களுக்கு நன்றாகவே தெரியும், அரசியல்வாதிகளுக்கு பொதுமக்களின் மீது எந்தவொரு அக்கறையுமில்லை ஆதலால் அவர்கள் முழுமுனைப்புடன் எந்த நடவடிக்கையும் எடுக்க மாட்டார்கள் என்று. இவர்களுக்கு நோகாமல் பொழப்பு நடத்த எளிய இலக்கு பொதுமக்கள்தான்.

மீண்டும் சொல்கிறேன். பயங்கரவாதிகள் உண்மையில் கோழைகள்தான் என்று.

நன்றி!
Maximum India said…
//உங்களுக்காக இறைவனிடம் பிராத்திக்கிறேன்.//

மிக்க நன்றி தாமஸ் ரூபன்!

உங்களைப் போன்ற நண்பர்கள் பதிவுலகம் கொடுத்த கொடை ஆவர்.

மிக்க நன்றி!

Popular posts from this blog

வாண வேடிக்கையா? வெறும் புஸ்வாணமா?

பெரிதாக வெடிக்கப் போகிறது அல்லது வண்ண மயமான ஒளிச்சிதறல்கள் பூக்கப் போகின்றன என்றெல்லாம் பெரிதாக நாம் எதிர்பார்த்துக் கொண்டிருக்கும் போது, சில பட்டாசுகள் புஸ்வாணமாக போவதுமுண்டு. தீபாவளி தினத்தன்று நமக்கெல்லாம் சில சமயங்களில் ஏற்பட்டு விடும் இது போன்ற ஒரு அனுபவம் சென்ற வாரம் பங்குசந்தையிலும் ஏற்பட்டது. சென்ற வாரம் நம்மை ஏமாற்றிய புஸ்வாணங்களைப் பற்றி முதலில் பார்ப்போம். முதல் புஸ்வானம் - பாரதி ஏர்டெல் தென் ஆப்பிரிக்க தொலைபேசி நிறுவனமான எம்டிஎன்-னுடான இணைப்பு இல்லையென்றவுடன் முதலில் துள்ளிக் குதித்த பாரதி பங்கு, வெகு சீக்கிரத்திலேயே ஆடி அடங்கி விட்டது. எம்டிஎன்னுடன் இணையாததால் சில அபாயங்கள் நீங்குகின்றன என்று அந்த பங்கினை அதிக விலையில் வாங்கி வைத்து ஆசையுடன் காத்திருந்த பலருக்கு பாரதி ஒரு பெரிய புஸ்வாணமாகவே அமைந்தது. இரண்டாவது புஸ்வானம் - ரிலையன்ஸ் பத்து ஆண்டுகளுக்கு பின்னர் ரிலையன்ஸ் நிறுவனம் தனது பங்குதாரர்களுக்கு போனஸ் பங்கு கொடுப்பதாக அறிவித்தது. இந்தியாவின் 'நம்பர்-ஒன்' வணிகத் தாளான எகோநோமிக் டைம்ஸ் பத்திரிக்கை, தீபாவளி வாணவேடிக்கை ஆரம்பித்து விட்டதாக முதல் பக்கத்தில் தலைப்ப...

பொதுத் தேர்தலுக்காக ஐபிஎல் கிரிக்கெட் போட்டிகளை தள்ளி வைக்கலாமா?

உலகிலேயே அதிகம் பேர் வாக்களிக்கும் உரிமையுள்ள இந்தியப் பொதுத் தேர்தல் ஒரு பக்கம். உலக கிரிக்கெட் வரலாற்றிலேயே அதிக பரிசுத் தொகை மற்றும் வருமானம் கொண்ட ஐபிஎல் கிரிக்கெட் போட்டிகள் மறுபக்கம். இந்த இரண்டு முக்கிய நிகழ்வுகளும் ஒரே சமயத்தில் (ஏப்ரல் - மே 2009) ஒரு சேர அமைந்து விட பாதுகாப்பு காரணங்களுக்காக ஐபிஎல் தள்ளி வைக்கப் படுகின்ற சூழல் இப்போது ஏற்பட்டுள்ளது. இந்த நிலை பற்றி இங்கு விவாதிப்போம். முதலில் ஐபிஎல் போட்டிகள் தள்ளி வைக்கப் பட வேண்டும் என்று சொல்வோரின் வாதங்களைப் பார்க்கலாம். பாகிஸ்தானில் இலங்கை கிரிக்கெட் வீரர்கள் தாக்கப் பட்டதற்கு பின்னர், இந்த போட்டிகளுக்கான பாதுகாப்பை பலப் படுத்துவது மிக அவசியமான ஒன்று என ஆகி விட்டது. பல உளவுத் துறை அமைப்புகள், பாகிஸ்தான் தாக்குதல் சம்பவத்தைப் போல இந்தியாவிலும் நடைபெறலாம் என்று எச்சரித்துள்ள நிலையில், பாதுகாப்பு விஷயத்தினை எளிதாக எடுத்துக் கொள்ள முடியாது. ஐபிஎல் போட்டி சமயத்திலேயே இந்தியாவின் ஐந்து கட்ட பொதுத்தேர்தலும் அமைந்து விடுவதால் இரண்டு இடங்களிலும் பாதுகாப்பு அளிப்பது சிரமமான காரியமாகி விடும். மேலும், கிரிக்கெட் போட்டிகளுக்கான பாது...

இந்தியா தாக்குப் பிடிக்குமா?

இன்றைய உலகப் பொருளாதாரத் தேக்க நிலையில், இந்தியாவால் தாக்குப் பிடிக்க முடியுமா என்பது பற்றி பார்ப்போம். சமீபத்தில் வெளியிடப் பட்ட மத்திய புள்ளியல் (மத்திய அரசு) நிறுவனத்தின் மதிப்பீட்டின் படி இந்தியப் பொருளாதாரம் நடப்பு நிதியாண்டில் 7.1 சதவீதம் வளர்ச்சியுறும் என்று தெரிகிறது. இது சரியாக இருக்கும் பட்சத்தில் உலகிலேயே இரண்டாவதாக வேகமாக வளர்ச்சியுறும் நாடு இந்தியாவாகத்தான் இருக்கும் (சீனா முதலாவது). சென்ற ஆண்டில் ஒன்பது சதவீதம் வளர்ச்சி பெற்றிருந்த இந்தியப் பொருளாதாரம் செப்டம்பர் 2008 வரையிலான முதல் அரையாண்டில் 7.80% வளர்ச்சிப் பெற்றிருந்தது. பொதுவாகவே பண்டிகைக் காலமாக கருதப் படுகிற இரண்டாவது அரையாண்டே தொழிற் துறையில் அதிக வளர்ச்சியைக் காட்டும் என்றாலும் இந்த முறை இந்தியத் தொழில் துறை பெரும் தேக்க நிலையில் இருந்து வந்திருக்கிறது என்பது கவனிக்கத் தக்கது. இந்திய தொழிற் வளர்ச்சி கடந்த இரு மாதங்களாக மிகவும் குறைந்து காணப் படுவதாலும் ஏற்றுமதியோ இறங்குமுகத்தில் இருப்பதாலும் இந்திய அரசாங்கம், மார்ச் 2009 வரையிலான நிதி ஆண்டின் இரண்டாவது அரையாண்டில் நமது பொருளாதாரம் குறைந்த வளர்ச்சியே (6.30%) இரு...