Skip to main content

மாணவர்களுக்காக ஒரு செய்தி

தற்போது நடைபெறும் ஈழத்தமிழர்களுக்கான போராட்டத்தில் பல பள்ளி மற்றும் மாணவர்கள் கலந்து கொள்வதாக பத்திரிக்கை மற்றும் தொலைகாட்சி செய்திகளின் மூலம் அறிந்து கொண்டேன். இதன் மீது தனிப் பட்ட அனுபவத்திலிருந்து ஒரு அறிவுரை.

பொதுவாக இது போன்ற உணர்வு பூர்வமான போராட்டங்களில் இளைஞர் சமுதாயம் குறிப்பாக மாணவர் சமுதாயம் துடிப்போடு கலந்து கொள்வது இயல்பான விஷயம். இதை குறை கூற முடியாது. கடந்த முறை கூட ஈழத்தமிழர்களுக்கான போராட்டத்தில் பல பள்ளி மற்றும் கல்லூரி மாணவர்கள் இப்போதை விட மிகத் தீவிரமாகவே கலந்து கொண்டார்கள்.

அதே சமயம், இத்தகைய போராட்டங்கள் சட்டத்தின் வரம்பு மீறி போய் விடாமல் மாணவர்களும், இத்தகைய போராட்டங்களை முன்னின்று நடத்துபவர்களும் கவனமாக இருக்க வேண்டும். சாகும் வரை உண்ணாவிரத போராட்டங்கள், சாலை மறியல் மற்றும் பொதுச் சொத்துக்களுக்கு சேதம் விளைவிப்பது போன்றவற்றைத் தவிர்ப்பது நல்லது. ஏனெனில், சில அசம்பாவித நிகழ்வுகளின் காரணமாக போலீஸ் ரெகார்டில் ஒரு மாணவர் பெயர் வருவது பிற்காலத்தில் அவருக்கு , வெளிநாடு செல்ல பாஸ்போர்ட் பெறுவது, மத்திய மாநில அரசு அலுவலகங்களுக்கான மற்றும் பெரிய தனியார் நிறுவனங்களுக்கான உத்யோகத்தினை பெறுவது போன்ற சமயங்களில் வழங்கப் பட வேண்டிய போலீஸ் நற்சான்றிதல் பெறுவதில் பல சிக்கல்களை உருவாக்கும். எனவே, மாணவர்கள் மற்றும் அவர்களின் பெற்றோர் இந்த விஷயத்தில் எச்சரிக்கையாக இருக்க கேட்டுக் கொள்கிறேன்.

சட்டத்திற்கு முற்றிலும் உட்பட்டே, ஈழத் தமிழர் பிரச்சினை குறித்து, மாணவர்களால் சமூகத்திடையே விழிப்புணர்வும், மக்களிடையே பொது கருத்தும் உருவாக்க முடியும். மேலும் அரசாங்கத்திற்கு கூட இந்த பிரச்சினை குறித்து மக்களின் உணர்வை தெளிவாக தெரிவிக்கவும் முடியும். உதாரணம், மனித சங்கிலிகள், அமைதிப் பேரணிகள், சிறு நாடகங்கள், கையெழுத்து இயக்கங்கள், அடையாள உண்ணாவிரதம் மற்றும் ஆர்ப்பாட்டங்கள் போன்றவை. இப்படி, ஆக்கப் பூர்வமான அமைதியான வழியிலேயே உணர்வுகளை வெளிப் படுத்துவது, மாணவர்களுக்கும் அவர்கள் சுமக்கும் இந்தியாவின் வருங்காலத்திற்கும் நல்லது.

நன்றி.

பின்குறிப்பு: இது குறித்த விழிப்புணர்வை ஏற்படுத்துவது நம்மை போன்ற முன்னாள் மாணவர்களின் கடமை என்று நினைக்கிறேன்.

Comments

சரியாகச் சொன்னீர்கள்.
சுவர் இருந்தால்தான் சித்திரம் எழுத முடியும்.
உண்மை தான்!
மாணவர்களுக்கு புத்தி சொல்லும் முன்னர் அவர்களை தூண்டி விடுபவர்களுக்கு புத்தி சொல்ல வேண்டும்
Maximum India said…
அன்புள்ள ஆதித்தன்

முதல் வருகைக்கும் பின்னூட்டத்திற்கும் நன்றி

//சுவர் இருந்தால்தான் சித்திரம் எழுத முடியும்//

சத்தியமான வார்த்தைகள். மாணவர்களின் கையில்தான், இந்தியா/தமிழகத்தின் எதிர்காலம். அரசியல்வாதிகள் இதைப் புரிந்து கொண்டு மாணவர்களை இது போன்ற பிரச்சினைகளில் இழுக்காமல் இருந்தால் நல்லது.
Maximum India said…
அன்புள்ள வால்பையன்

பின்னூட்டத்திற்கு நன்றி

//மாணவர்களுக்கு புத்தி சொல்லும் முன்னர் அவர்களை தூண்டி விடுபவர்களுக்கு புத்தி சொல்ல வேண்டும்//

சத்தியமான வார்த்தைகள். மாணவர்களின் கையில்தான், இந்தியா/தமிழகத்தின் எதிர்காலம். அரசியல்வாதிகள் இதைப் புரிந்து கொண்டு மாணவர்களை இது போன்ற பிரச்சினைகளில் இழுக்காமல் இருந்தால் நல்லது.
கபீஷ் said…
சரியா சொல்லியிருக்கீங்க. அமைதியான முறையிலும் நாகரீகமாகவும் நமது எதிர்ப்பைக் காண்பிக்கலாம் என்று அரசியல்வதிகளுக்குப் பாடம் சொல்லும் முறையில் இருந்தால் நன்றாக இருக்கும்
Rajkumar said…
வணக்கம் !

எத்தனை வருடம் தான் இப்படி மௌன உண்ணாவிரதம் இருக்க வேண்டும் .
Rajkumar said…
வணக்கம் !

எத்தனை வருடம் தான் இப்படி மௌன உண்ணாவிரதம் இருக்க வேண்டும் .
ISR Selvakumar said…
நல்ல செய்தி!
sa said…
அருமையான் அறிவுரை.

தங்கள் பதிவை www.newspaanai.com இல் சேர்த்து பலருடன் பகிர்ந்து கொள்ளுங்கள். www.newspaanai.com தமிழ் சோசியல் பூக்மர்கிங் சைட் நன்றி. தங்கள் பதிவை எளிதாக சேர்க்க கீஷே உள்ள லிங்க்கை கிளிக் செய்யவும்.

http://www.newspaanai.com/easylink.php
? said…
நன்றாய்ச் சொன்னீர்கள்.
1980களில் அடிக்கடி இலங்கை பிரச்சனைகாக ஸ்டிரைக் என சொல்லி மாணவர்கள் படத்துக்கு போய்விடுவார்கள். இதுவும் மீண்டும் நிகழக்கூடாது.
அரசியல்வாதிகள் பிழைக்க யார் தலையில் வேண்டுமானாலும் கை வைப்பார்கள். மாணவர்கள் இளம் பருவத்தினர். ஒரு செயலின் போக்கை, விளைவை தீர ஆராயாமல் செயலில் இறங்கி விடுவார்கள். கண்டிப்பாக இலங்கை தமிழர்களுக்கு குரல் கொடுத்தே ஆக வேண்டும். ஆனால் ஆர்ப்பாட்டம் செய்தோ, பொது சொத்தை உடைத்தோ அரசை ஸ்தம்பிக்க செய்ய நிறைய பேர் இருக்கிறார்கள் தமிழ் நாட்டில். . மாணவர்கள் தங்கள் முன்னேற்றத்திற்கு பங்கம் வராமல் ஆதரவை கொடுக்க வேண்டும்.
KARTHIK said…
// மனித சங்கிலிகள், அமைதிப் பேரணிகள், சிறு நாடகங்கள், கையெழுத்து இயக்கங்கள், அடையாள உண்ணாவிரதம் மற்றும் ஆர்ப்பாட்டங்கள் போன்றவை. இப்படி, ஆக்கப் பூர்வமான அமைதியான வழியிலேயே உணர்வுகளை வெளிப் படுத்துவது, மாணவர்களுக்கும் அவர்கள் சுமக்கும் இந்தியாவின் வருங்காலத்திற்கும் நல்லது.//

இதை நான் வழிமொழிகிறேன்.
இதனை புரிந்து கொள்ளவேண்டியது நம் கடமை மட்டும் அல்ல அரசியல்வாதிகளின் கடமையும் கூட.ஆரம்பத்திலிருந்தே மாணவ சமூதாயத்தை தூண்டிவிட்டே பழக்கப்பட்டவர்கள் இனியாவது தங்கள் நிலையை மாற்றிக்கொள்ளவேண்டும்.
Maximum India said…
அன்புள்ள சூர்யா

அமைதியான ஆக்கப் பூர்வமான போராட்டங்களே அதிக தாக்கத்தை ஏற்படுத்தும் என்பதும் வன்முறை போராட்டங்கள் அந்த போராட்டங்களின் லட்சியப் பாதையிலிருந்து திசை மாறி லட்சியத்தையே நீர்த்துப் போக செய்து விடும் என்பதும் என் கருத்து.
Maximum India said…
அன்புள்ள கபீஷ்

பின்னூட்டத்திற்கு நன்றி. மாணவர்கள் அமைதியான முறையில் போராட்டம் நடத்தி அரசியல்வாதிகளுக்கு ஒரு முன் உதாரணமாக இருக்க வேண்டும்.
Maximum India said…
அன்புள்ள செல்வக்குமார்

பின்னூட்டத்திற்கு நன்றி
Maximum India said…
அன்புள்ள விஜி

பின்னூட்டத்திற்கு நன்றி

உங்களுடைய இணைதளத்தில் இந்த பதிவு பூ இணைக்கப் பட்டு விட்டது.
Maximum India said…
அன்புள்ள நந்தவனத்தான்

நன்றாய்ச் சொன்னீர்கள்.
1980களில் அடிக்கடி இலங்கை பிரச்சனைகாக ஸ்டிரைக் என சொல்லி மாணவர்கள் படத்துக்கு போய்விடுவார்கள். இதுவும் மீண்டும் நிகழக்கூடாது

பின்னூட்டத்திற்கும் அறிவுரைக்கும் மிக்க நன்றி
Maximum India said…
அரசியல்வாதிகள் பிழைக்க யார் தலையில் வேண்டுமானாலும் கை வைப்பார்கள். மாணவர்கள் இளம் பருவத்தினர். ஒரு செயலின் போக்கை, விளைவை தீர ஆராயாமல் செயலில் இறங்கி விடுவார்கள். கண்டிப்பாக இலங்கை தமிழர்களுக்கு குரல் கொடுத்தே ஆக வேண்டும். ஆனால் ஆர்ப்பாட்டம் செய்தோ, பொது சொத்தை உடைத்தோ அரசை ஸ்தம்பிக்க செய்ய நிறைய பேர் இருக்கிறார்கள் தமிழ் நாட்டில். . மாணவர்கள் தங்கள் முன்னேற்றத்திற்கு பங்கம் வராமல் ஆதரவை கொடுக்க வேண்டும்.
Maximum India said…
அன்புள்ள கார்த்திக்

பின்னூட்டத்திற்கு நன்றி

//இதனை புரிந்து கொள்ளவேண்டியது நம் கடமை மட்டும் அல்ல அரசியல்வாதிகளின் கடமையும் கூட.ஆரம்பத்திலிருந்தே மாணவ சமூதாயத்தை தூண்டிவிட்டே பழக்கப்பட்டவர்கள் இனியாவது தங்கள் நிலையை மாற்றிக்கொள்ளவேண்டும்.//

கண்டிப்பாக. ஆனால், அரசியல்வாதிகளை மாற்றுவது மிகக் கடினமான ஒன்று என்று நினைக்கிறேன். மாணவர்களின் பெற்றோரும் அவர்தம் உறவினர்களும் மாணவர்களை தவறான பாதையில் சென்று விடாமல் தடுக்க வேண்டும். ஆசிரியர்களுக்கு கூட இதில் மிகுந்த கடமை உணர்வு இருக்க வேண்டும்.

நன்றி.
Maximum India said…
அன்புள்ள பொதுஜனம்

பின்னூட்டத்திற்கு நன்றி

//அரசியல்வாதிகள் பிழைக்க யார் தலையில் வேண்டுமானாலும் கை வைப்பார்கள். மாணவர்கள் இளம் பருவத்தினர். ஒரு செயலின் போக்கை, விளைவை தீர ஆராயாமல் செயலில் இறங்கி விடுவார்கள். கண்டிப்பாக இலங்கை தமிழர்களுக்கு குரல் கொடுத்தே ஆக வேண்டும். ஆனால் ஆர்ப்பாட்டம் செய்தோ, பொது சொத்தை உடைத்தோ அரசை ஸ்தம்பிக்க செய்ய நிறைய பேர் இருக்கிறார்கள் தமிழ் நாட்டில். . மாணவர்கள் தங்கள் முன்னேற்றத்திற்கு பங்கம் வராமல் ஆதரவை கொடுக்க வேண்டும்.//

உண்மையான வார்த்தைகள். முழுமையாக ஆமோதிக்கிறேன். சமூக அக்கறையுள்ள ஒரு போலீஸ்காரர், போலீஸ் நற்சான்றிதல் நான் வாங்கச் சென்ற போது எனக்குச் சொன்ன அறிவுரைகளைத்தான் இங்கு பதிவிட்டுள்ளேன்.
Maximum India said…
அன்புள்ள சிவா

பின்னூட்டத்திற்கு நன்றி :)

Popular posts from this blog

வாண வேடிக்கையா? வெறும் புஸ்வாணமா?

பெரிதாக வெடிக்கப் போகிறது அல்லது வண்ண மயமான ஒளிச்சிதறல்கள் பூக்கப் போகின்றன என்றெல்லாம் பெரிதாக நாம் எதிர்பார்த்துக் கொண்டிருக்கும் போது, சில பட்டாசுகள் புஸ்வாணமாக போவதுமுண்டு. தீபாவளி தினத்தன்று நமக்கெல்லாம் சில சமயங்களில் ஏற்பட்டு விடும் இது போன்ற ஒரு அனுபவம் சென்ற வாரம் பங்குசந்தையிலும் ஏற்பட்டது. சென்ற வாரம் நம்மை ஏமாற்றிய புஸ்வாணங்களைப் பற்றி முதலில் பார்ப்போம். முதல் புஸ்வானம் - பாரதி ஏர்டெல் தென் ஆப்பிரிக்க தொலைபேசி நிறுவனமான எம்டிஎன்-னுடான இணைப்பு இல்லையென்றவுடன் முதலில் துள்ளிக் குதித்த பாரதி பங்கு, வெகு சீக்கிரத்திலேயே ஆடி அடங்கி விட்டது. எம்டிஎன்னுடன் இணையாததால் சில அபாயங்கள் நீங்குகின்றன என்று அந்த பங்கினை அதிக விலையில் வாங்கி வைத்து ஆசையுடன் காத்திருந்த பலருக்கு பாரதி ஒரு பெரிய புஸ்வாணமாகவே அமைந்தது. இரண்டாவது புஸ்வானம் - ரிலையன்ஸ் பத்து ஆண்டுகளுக்கு பின்னர் ரிலையன்ஸ் நிறுவனம் தனது பங்குதாரர்களுக்கு போனஸ் பங்கு கொடுப்பதாக அறிவித்தது. இந்தியாவின் 'நம்பர்-ஒன்' வணிகத் தாளான எகோநோமிக் டைம்ஸ் பத்திரிக்கை, தீபாவளி வாணவேடிக்கை ஆரம்பித்து விட்டதாக முதல் பக்கத்தில் தலைப்ப...

பொதுத் தேர்தலுக்காக ஐபிஎல் கிரிக்கெட் போட்டிகளை தள்ளி வைக்கலாமா?

உலகிலேயே அதிகம் பேர் வாக்களிக்கும் உரிமையுள்ள இந்தியப் பொதுத் தேர்தல் ஒரு பக்கம். உலக கிரிக்கெட் வரலாற்றிலேயே அதிக பரிசுத் தொகை மற்றும் வருமானம் கொண்ட ஐபிஎல் கிரிக்கெட் போட்டிகள் மறுபக்கம். இந்த இரண்டு முக்கிய நிகழ்வுகளும் ஒரே சமயத்தில் (ஏப்ரல் - மே 2009) ஒரு சேர அமைந்து விட பாதுகாப்பு காரணங்களுக்காக ஐபிஎல் தள்ளி வைக்கப் படுகின்ற சூழல் இப்போது ஏற்பட்டுள்ளது. இந்த நிலை பற்றி இங்கு விவாதிப்போம். முதலில் ஐபிஎல் போட்டிகள் தள்ளி வைக்கப் பட வேண்டும் என்று சொல்வோரின் வாதங்களைப் பார்க்கலாம். பாகிஸ்தானில் இலங்கை கிரிக்கெட் வீரர்கள் தாக்கப் பட்டதற்கு பின்னர், இந்த போட்டிகளுக்கான பாதுகாப்பை பலப் படுத்துவது மிக அவசியமான ஒன்று என ஆகி விட்டது. பல உளவுத் துறை அமைப்புகள், பாகிஸ்தான் தாக்குதல் சம்பவத்தைப் போல இந்தியாவிலும் நடைபெறலாம் என்று எச்சரித்துள்ள நிலையில், பாதுகாப்பு விஷயத்தினை எளிதாக எடுத்துக் கொள்ள முடியாது. ஐபிஎல் போட்டி சமயத்திலேயே இந்தியாவின் ஐந்து கட்ட பொதுத்தேர்தலும் அமைந்து விடுவதால் இரண்டு இடங்களிலும் பாதுகாப்பு அளிப்பது சிரமமான காரியமாகி விடும். மேலும், கிரிக்கெட் போட்டிகளுக்கான பாது...

இந்தியா தாக்குப் பிடிக்குமா?

இன்றைய உலகப் பொருளாதாரத் தேக்க நிலையில், இந்தியாவால் தாக்குப் பிடிக்க முடியுமா என்பது பற்றி பார்ப்போம். சமீபத்தில் வெளியிடப் பட்ட மத்திய புள்ளியல் (மத்திய அரசு) நிறுவனத்தின் மதிப்பீட்டின் படி இந்தியப் பொருளாதாரம் நடப்பு நிதியாண்டில் 7.1 சதவீதம் வளர்ச்சியுறும் என்று தெரிகிறது. இது சரியாக இருக்கும் பட்சத்தில் உலகிலேயே இரண்டாவதாக வேகமாக வளர்ச்சியுறும் நாடு இந்தியாவாகத்தான் இருக்கும் (சீனா முதலாவது). சென்ற ஆண்டில் ஒன்பது சதவீதம் வளர்ச்சி பெற்றிருந்த இந்தியப் பொருளாதாரம் செப்டம்பர் 2008 வரையிலான முதல் அரையாண்டில் 7.80% வளர்ச்சிப் பெற்றிருந்தது. பொதுவாகவே பண்டிகைக் காலமாக கருதப் படுகிற இரண்டாவது அரையாண்டே தொழிற் துறையில் அதிக வளர்ச்சியைக் காட்டும் என்றாலும் இந்த முறை இந்தியத் தொழில் துறை பெரும் தேக்க நிலையில் இருந்து வந்திருக்கிறது என்பது கவனிக்கத் தக்கது. இந்திய தொழிற் வளர்ச்சி கடந்த இரு மாதங்களாக மிகவும் குறைந்து காணப் படுவதாலும் ஏற்றுமதியோ இறங்குமுகத்தில் இருப்பதாலும் இந்திய அரசாங்கம், மார்ச் 2009 வரையிலான நிதி ஆண்டின் இரண்டாவது அரையாண்டில் நமது பொருளாதாரம் குறைந்த வளர்ச்சியே (6.30%) இரு...