Skip to main content

போலீஸ் தொப்பையின் ரகசியம்

பொதுவாகவே இந்திய போலீஸ்காரர்களையும் (குறிப்பாக கீழ்நிலையில் பணிபுரிபவர்களும்) தொப்பையையும் பிரித்துப் பார்க்க முடியாது. இந்த விஷயத்தின் அடிப்படையில் பல ஜோக்குகள், திரைப் பட காமெடிகள் மற்றும் கடுமையான விமர்சனங்கள் வருவதுண்டு. இந்த தொப்பையின் ரகசியம் என்ன என்பதைப் பற்றி இங்கு பார்ப்போம்.

ஒரு மனிதனின் உடலில் தேவையில்லாத அதிகப்படியான கொழுப்பு வயிற்றை சுற்றி படிவதன் காரணமாகவே தொப்பை உருவாகுகிறது. இவ்வாறு அதிக கொழுப்பு உருவாகுவதற்கு காரணங்கள்.


1. அதிகப் படியான கலோரி உணவு.
2. ஜீரண சக்தி பாதிக்கப் படுதல்
3. தேவைக்கு குறைந்த உடல் பயிற்சி
4. அளவு குறைந்த தூக்கம் மற்றும் ஓய்வு
5. அதிகப் படியான மன அழுத்தம்.

இந்த லிஸ்டை படித்தாலே புரிந்து விடும் ஏன் போலீஸ்காரர்களுக்கு அதுவும் கீழ்நிலையில் பணிபுரிபவர்களுக்கு அதிக தொப்பை ஏற்படுகிறது என்று.

சரிவர முறைப் படுத்தப் படாத பணி நேரங்களின் காரணமாக தூக்கமின்மை மற்றும் சரியான உடல் பயிற்சி மேற்கொள்ள முடியாதது, வீட்டு சாப்பாடு சரியான நேரத்தில் உண்ண முடியாமல், வீட்டிற்கு வெளியே ஜங் உணவு எனச் சொல்லப் படும் சத்தில்லாத அதே சமயம் அதிக கலோரி உள்ள உணவுகளை நேரம் தவறிய நேரத்தில் சாப்பிடுவது, மன அழுத்தம் மிக்க பாதுகாப்பு பணியில் ஈடுபடுவது போன்றவையே இவர்களுக்கு தொப்பை வர காரணமாக இருக்கிறது.

பொதுவாக பலராலும் கேலிச் செய்யப்படுவது போல அதிக உணவு மற்றும் சோம்பேறித்தனம் இந்த நிலைக்கு முக்கிய காரணம் அல்ல. நல்ல தூக்கம், ஓய்வு எடுத்துக் கொள்ளல் மற்றும் உடற் பயிற்சி செய்ய தேவையான நேர வசதி இருப்பதாலேயே போலீஸ் மேலதிகாரிகளில் பலர் நல்ல உடற்கட்டுடன் இருக்க முடிகிறது என்பது கவனிக்க வேண்டிய ஒன்றாகும்.

இந்த தொப்பையினால் ஒருவருக்கு ஏற்படும் தொந்தரவுகள் உயர் ரத்த அழுத்தம், இதய நோய் மற்றும் சாக்கரை வியாதி போன்ற உயிர்கொல்லி வியாதிகள். எனவே, அடுத்த முறை தொப்பையுடன் ஒரு போலீஸ்காரரைப் பார்த்தால், அவருக்காக பரிதாபப் படுவோம்.

நம் நாட்டின் உள்நாட்டு பாதுகாப்பு அச்சுறுத்தலுக்கு உள்ளாகியுள்ள இந்த நிலையில், காவலர்களின் உடல்நலனை கருத்தில் கொள்வது அரசின் முக்கிய கடமை ஆகும். காவல் துறையில் காலியாக உள்ள பணியிடங்களை நிரப்புதல், அதிகப் பணியிடங்களை உருவாக்குதல், பணிகளின் நேரத்தை முறைப் படுத்தல், போதுமான உடல் மற்றும் மனப் பயிற்சி அளித்தல் என காவல்துறையை சீரமைக்கும் பணியை அரசு செய்ய வேண்டும் என்பது என் கருத்து.

நன்றி.

பின்குறிப்பு: மும்பையில் கடந்த இரு மாதங்களாக, பொது மக்களின் பாதுகாப்புக்காக, இரவு பகல் பாராமல், பல மணி நேரம் தொடர்ந்து சாலையில் வாகனத் தணிக்கை மற்றும் இதர பாதுகாப்பு பணிகளில் ஈடுபடும் நாட்டின் காவலர்களுக்கு ஒரு பணிவான சல்யூட் .

Comments

KARTHIK said…
// சரியான உடல் பயிற்சி மேற்கொள்ள முடியாதது,//

இவங்கள விட அதிகமா ரானுவத்துக்காரங்க உழைக்கறாங்க அவங்களுக்கு ஏன் தொப்ஸ் வரதில்ல .அடுத்தவங்கள சொல்லுறதுக்கு முந்தி நானும் குறைக்கணும்.குறசிட்டு வந்து மீட் பண்ணுறேன்
Maximum India said…
அன்புள்ள செந்தழல் ரவி

பின்னூட்டத்திற்கு நன்றி
Maximum India said…
அன்புள்ள கார்த்திக்

பின்னூட்டத்திற்கு நன்றி

//இவங்கள விட அதிகமா ரானுவத்துக்காரங்க உழைக்கறாங்க அவங்களுக்கு ஏன் தொப்ஸ் வரதில்ல .//

ராணுவத்தினர் நேரவிதி முறைகளை கடுமையாக பின்பற்றுகிறார்கள். மேலும் சிறந்த உடற்பயிற்சி முறைகளை தொடர்ந்து பின்பற்றுகிறார்கள். அதனால்தான் அவர்களுக்கு தொப்பை வருவதில்லை. அவர்களைப் போலவே போலீசாருக்கும் உடல் பயிற்சி வழங்கிட வேண்டும்.

//அடுத்தவங்கள சொல்லுறதுக்கு முந்தி நானும் குறைக்கணும்.குறசிட்டு வந்து மீட் பண்ணுறேன்//

உங்களுக்கு தொப்பையா? கண்ணாலம் கூட இன்னும் ஆகலேயே? பாத்து சீக்கிரம் குறைங்க.:)
தொப்பைக்கு சரியான காரணம் சொல்லி உள்ளீர்கள். அவர்களாக குறைத்தால் தான் உண்டு. இல்லை பிரியாணி பொட்லம் வாங்கி வரும்போது நாய் குரைத்தால் ஓடும் போது குறைக்க சாரி குறைய வைப்பு உண்டு.
Maximum India said…
அன்புள்ள பொதுஜனம்

பின்னூட்டத்திற்கு நன்றி. காவலர்களின் உடல் நலன் அவர்களுக்கு மட்டுமல்ல நாட்டின் பாதுகாப்புக்கும் அவசியம். உடனடியாக காவல் துறை சீர்திருத்தங்களை அமல் படுத்த வேண்டும்.

நன்றி
butterfly Surya said…
சரிதான். ஒ.சி. காபி, டீ, கையேந்தி பவன் டிபன் என்று கண்டபடி சாப்பிடும் பல பேரை சென்னையில் பார்க்கலாம். காசு கொடுத்து சாப்பிட்டால் நிறைய சாப்பிட மாட்டார்கள்.

எந்த கூச்சமும் இல்லாமல் சில பேர் பார்சல் கூட வாங்கி செல்வார்கள்.
Maximum India said…
அன்புள்ள வண்ணத்துப்பூச்சியார்

கருத்துரைக்கு நன்றி. (உங்கள் பெயர் அழகாக உள்ளது)

நீங்கள் சொல்வது போல, ஓசியில் கிடைத்தால் எதை வேண்டுமானாலும் எவ்வளவு வேண்டுமானாலும் சாப்பிடலாம் என்ற மனப் போக்கு மாறவேண்டும்.

நன்றி.
nTamil said…
Hi,

உங்களுடைய வலைப்பதிவு இணைப்பை www.ntamil.com ல் சேர்த்துள்ளோம்.

இதுவரை இந்த www.ntamil.com இணையதளத்தில் நீங்கள் பதிவு செய்யவில்லை எனில், உங்களை உடனே பதிவு செய்து, உங்களது புதிய வலைப்பதிவை உடனுக்குடன் பூர்த்தி செய்து, உங்கள் வலைப்பதிவை, உலகம் முழுவதுமாக பரவி உள்ள தமிழ் வாசகர்கள் முன் கொண்டு செல்லுங்கள்.

நட்புடன்
nTamil குழுவிநர்

Popular posts from this blog

வாண வேடிக்கையா? வெறும் புஸ்வாணமா?

பெரிதாக வெடிக்கப் போகிறது அல்லது வண்ண மயமான ஒளிச்சிதறல்கள் பூக்கப் போகின்றன என்றெல்லாம் பெரிதாக நாம் எதிர்பார்த்துக் கொண்டிருக்கும் போது, சில பட்டாசுகள் புஸ்வாணமாக போவதுமுண்டு. தீபாவளி தினத்தன்று நமக்கெல்லாம் சில சமயங்களில் ஏற்பட்டு விடும் இது போன்ற ஒரு அனுபவம் சென்ற வாரம் பங்குசந்தையிலும் ஏற்பட்டது. சென்ற வாரம் நம்மை ஏமாற்றிய புஸ்வாணங்களைப் பற்றி முதலில் பார்ப்போம். முதல் புஸ்வானம் - பாரதி ஏர்டெல் தென் ஆப்பிரிக்க தொலைபேசி நிறுவனமான எம்டிஎன்-னுடான இணைப்பு இல்லையென்றவுடன் முதலில் துள்ளிக் குதித்த பாரதி பங்கு, வெகு சீக்கிரத்திலேயே ஆடி அடங்கி விட்டது. எம்டிஎன்னுடன் இணையாததால் சில அபாயங்கள் நீங்குகின்றன என்று அந்த பங்கினை அதிக விலையில் வாங்கி வைத்து ஆசையுடன் காத்திருந்த பலருக்கு பாரதி ஒரு பெரிய புஸ்வாணமாகவே அமைந்தது. இரண்டாவது புஸ்வானம் - ரிலையன்ஸ் பத்து ஆண்டுகளுக்கு பின்னர் ரிலையன்ஸ் நிறுவனம் தனது பங்குதாரர்களுக்கு போனஸ் பங்கு கொடுப்பதாக அறிவித்தது. இந்தியாவின் 'நம்பர்-ஒன்' வணிகத் தாளான எகோநோமிக் டைம்ஸ் பத்திரிக்கை, தீபாவளி வாணவேடிக்கை ஆரம்பித்து விட்டதாக முதல் பக்கத்தில் தலைப்ப...

பொதுத் தேர்தலுக்காக ஐபிஎல் கிரிக்கெட் போட்டிகளை தள்ளி வைக்கலாமா?

உலகிலேயே அதிகம் பேர் வாக்களிக்கும் உரிமையுள்ள இந்தியப் பொதுத் தேர்தல் ஒரு பக்கம். உலக கிரிக்கெட் வரலாற்றிலேயே அதிக பரிசுத் தொகை மற்றும் வருமானம் கொண்ட ஐபிஎல் கிரிக்கெட் போட்டிகள் மறுபக்கம். இந்த இரண்டு முக்கிய நிகழ்வுகளும் ஒரே சமயத்தில் (ஏப்ரல் - மே 2009) ஒரு சேர அமைந்து விட பாதுகாப்பு காரணங்களுக்காக ஐபிஎல் தள்ளி வைக்கப் படுகின்ற சூழல் இப்போது ஏற்பட்டுள்ளது. இந்த நிலை பற்றி இங்கு விவாதிப்போம். முதலில் ஐபிஎல் போட்டிகள் தள்ளி வைக்கப் பட வேண்டும் என்று சொல்வோரின் வாதங்களைப் பார்க்கலாம். பாகிஸ்தானில் இலங்கை கிரிக்கெட் வீரர்கள் தாக்கப் பட்டதற்கு பின்னர், இந்த போட்டிகளுக்கான பாதுகாப்பை பலப் படுத்துவது மிக அவசியமான ஒன்று என ஆகி விட்டது. பல உளவுத் துறை அமைப்புகள், பாகிஸ்தான் தாக்குதல் சம்பவத்தைப் போல இந்தியாவிலும் நடைபெறலாம் என்று எச்சரித்துள்ள நிலையில், பாதுகாப்பு விஷயத்தினை எளிதாக எடுத்துக் கொள்ள முடியாது. ஐபிஎல் போட்டி சமயத்திலேயே இந்தியாவின் ஐந்து கட்ட பொதுத்தேர்தலும் அமைந்து விடுவதால் இரண்டு இடங்களிலும் பாதுகாப்பு அளிப்பது சிரமமான காரியமாகி விடும். மேலும், கிரிக்கெட் போட்டிகளுக்கான பாது...

இந்தியா தாக்குப் பிடிக்குமா?

இன்றைய உலகப் பொருளாதாரத் தேக்க நிலையில், இந்தியாவால் தாக்குப் பிடிக்க முடியுமா என்பது பற்றி பார்ப்போம். சமீபத்தில் வெளியிடப் பட்ட மத்திய புள்ளியல் (மத்திய அரசு) நிறுவனத்தின் மதிப்பீட்டின் படி இந்தியப் பொருளாதாரம் நடப்பு நிதியாண்டில் 7.1 சதவீதம் வளர்ச்சியுறும் என்று தெரிகிறது. இது சரியாக இருக்கும் பட்சத்தில் உலகிலேயே இரண்டாவதாக வேகமாக வளர்ச்சியுறும் நாடு இந்தியாவாகத்தான் இருக்கும் (சீனா முதலாவது). சென்ற ஆண்டில் ஒன்பது சதவீதம் வளர்ச்சி பெற்றிருந்த இந்தியப் பொருளாதாரம் செப்டம்பர் 2008 வரையிலான முதல் அரையாண்டில் 7.80% வளர்ச்சிப் பெற்றிருந்தது. பொதுவாகவே பண்டிகைக் காலமாக கருதப் படுகிற இரண்டாவது அரையாண்டே தொழிற் துறையில் அதிக வளர்ச்சியைக் காட்டும் என்றாலும் இந்த முறை இந்தியத் தொழில் துறை பெரும் தேக்க நிலையில் இருந்து வந்திருக்கிறது என்பது கவனிக்கத் தக்கது. இந்திய தொழிற் வளர்ச்சி கடந்த இரு மாதங்களாக மிகவும் குறைந்து காணப் படுவதாலும் ஏற்றுமதியோ இறங்குமுகத்தில் இருப்பதாலும் இந்திய அரசாங்கம், மார்ச் 2009 வரையிலான நிதி ஆண்டின் இரண்டாவது அரையாண்டில் நமது பொருளாதாரம் குறைந்த வளர்ச்சியே (6.30%) இரு...