Skip to main content

வேலை மாறும் நண்பர்களுக்கு சில யோசனைகள்

தற்போது, வதந்திகளில் சிக்கித் தவிக்கும் ஒரு பிரபல தனியார் வங்கியைப் பற்றிய விவாதம் எழுந்த போது, அங்கு, சில மாதங்களுக்கு முன்னே,( அதிக ஊதியம் மற்றும் பணி முன்னேற்றத்திற்க்காக (Career)) தனது பழைய வேலையை உதறி விட்டு, பணிக்கு அமர்ந்த ஒரு நண்பரைப் பற்றி கவலையுடன் கூடிய ஒரு கேள்வி எழுந்தது.

வங்கியின் நிலை மோசமாகும் பட்சத்தில், அவரது எதிர்காலம் என்னவாகும்?

அதே போல, அமெரிக்காவைச் சேர்ந்த ஒரு பன்னாட்டு முதலீட்டு வங்கியின் மும்பை பின் அலுவலகத்தில் (Back Office), எனது நண்பரின் உறவினர் சில மாதங்களுக்கு முன், சேர்ந்த போது, அவரது இல்லத்தினர், அதனை ஒரு விழாவாக கொண்டாடினர்.

ஆனால், அந்த வங்கி தற்போது மூடப் பட்ட நிலையில், அந்த அலுவலகம் மற்றும் அதன் ஊழியர்களின் நிலை கேள்விக் குறியாகி விட்டன.

தற்போதைய பொருளாதார சூழலில், பணி மாற்றம் என்பது, பல் வேறு காரணங்களினால், தவிர்க்க முடியாததாகி விட்டது.

அதில் எந்த தவறும் இல்லை.

ஆனால், அதே சமயத்தில், (எனக்கு தெரிந்த வகையில்) சில விஷயங்களில் நாம் கவனமாக இருப்பது நல்லது. அவற்றை இங்கு பட்டியலிட்டு உள்ளேன்.

1. நிறுவனத்தின் புகழ் Brand Image

2. நிறுவனத்தின் தலைமை Reputation of the Management

3. நிதி நலன் Financial Health

4. துறை மற்றும் நிறுவனத்தின் பழங்கால வளர்ச்சி மற்றும் எதிர்கால வாய்ப்புகள் (Past growth of the Industry and the Company as well as the future prospects)

5. நிறுவனத்தின் மனித வள கொள்கைகள்
(H R policies on career development)

6. பங்குச் சந்தையில் வர்த்தகமாகும் நிறுவனமாக இருந்தால், பங்கு விலை ஏற்ற இறக்கங்கள்.(Stock Price movement as it is a leading indicator)

7.ஊதிய உயர்வு (இதை கடைசியாக வைத்ததன் நோக்கம் உங்களுக்கு புரியும் என்று நினைக்கிறேன்)

மேற்கண்டவற்றை நன்கு ஆராய்ந்த பின்னரே, ஒரு நல்ல முடிவு எடுப்பது சிறந்தது.

இந்த தகவல்களைப் பெறுவது, இந்த இன்டர்நெட் யுகத்தில், பெரிய விஷயமில்லை.

மேலும், நேரடித் தேர்வில், உங்களுக்கு அளிக்கப்படும் வாய்மொழி உத்தரவாதங்களை நம்பாதீர்கள்.

அனைத்தும் எழுத்து வடிவில் (Black & White) இருப்பது நல்லது.

காரணம், சில பல சமயங்களில், உங்களுக்கு உத்தரவாதம் அளித்தவரை, நீங்கள் மறுபடி பார்க்கவே முடியாது.

மேலும், ஒப்பந்த விஷயங்களிலும் கவனமாக இருங்கள்.

Package என்பது அனைத்து வகையான நிறுவன செலவுகளைக் குறிப்பது.

உங்களுக்கு, கையில் என்ன வரும் என்பதில் தெளிவாக இருங்கள்.

எந்த ஒரு பணியிலும், புதிய நிறுவனத்தில் இணையும் பொழுது, ஒரு விஷயத்தை நினைவில் கொள்ளுங்கள்.

நீங்கள், அந்த நிறுவனத்தின் ஒரு ஊழியர் மட்டுமல்ல. அதன் உரிமைதாரரும் (Stake Holder) கூட.

எனவே ஒரு நிறுவனத்தைப் பற்றி, முடிந்த வரை தெரிந்த பிறகு, இணைவது நல்லது.

சிந்திப்போம்.

மீண்டும் சிந்திப்போம்.

Comments

தங்கள் கருத்துக்கும் அக்கறைக்கும் நன்றி.
ஆனால் யதார்த்த வாழ்வில், நாம் தேர்வு சேயும் வலிமையில் illai (beggers cant choose).

அது போக நீங்கள் குறிப்பிட்டுள்ள லேஹ்மான், மெர்ரில் லின்ச் போன்றவற்றில் IIM A, Harward MBA பட்டதாரிகள் சேர்ந்து வேலை இழஅக்கின்றனர்

நாமும் இது பற்றி 1 மாதத்திற்கு பதிவு, மீடியாக்களில் பேசுவோம், அப்புறம் மறந்து விடுவோம்,

அப்துல் கலாம், சிவகாசி ஜெயலக்ஸ்மி எல்லாம் மறந்தாச்சே இப்போது, அது போலதான் இந்த நிகழ்வும்.
.
KARTHIK said…
// நீங்கள், அந்த நிறுவனத்தின் ஒரு ஊழியர் மட்டுமல்ல. அதன் உரிமைதாரரும் (Stake Holder) கூட.//

நல்ல பதிவு.
Maximum India said…
அன்புள்ள குப்பன்!

//ஆனால் யதார்த்த வாழ்வில், நாம் தேர்வு சேயும் வலிமையில் illai (beggers cant choose).//

நீங்கள் சொல்வது மிக பழையக் காலம்.

இந்த தடுமாற்றமான பொருளாதார நிலையில் கூட, சரியான (Skilled) ஆட்களுக்கு, வேலைச் சந்தையில் (Job Market) கிராக்கி உள்ளது.

அப்படிப் பட்ட சில நண்பர்களுக்கான பதிவே இது.

Popular posts from this blog

வாண வேடிக்கையா? வெறும் புஸ்வாணமா?

பெரிதாக வெடிக்கப் போகிறது அல்லது வண்ண மயமான ஒளிச்சிதறல்கள் பூக்கப் போகின்றன என்றெல்லாம் பெரிதாக நாம் எதிர்பார்த்துக் கொண்டிருக்கும் போது, சில பட்டாசுகள் புஸ்வாணமாக போவதுமுண்டு. தீபாவளி தினத்தன்று நமக்கெல்லாம் சில சமயங்களில் ஏற்பட்டு விடும் இது போன்ற ஒரு அனுபவம் சென்ற வாரம் பங்குசந்தையிலும் ஏற்பட்டது. சென்ற வாரம் நம்மை ஏமாற்றிய புஸ்வாணங்களைப் பற்றி முதலில் பார்ப்போம். முதல் புஸ்வானம் - பாரதி ஏர்டெல் தென் ஆப்பிரிக்க தொலைபேசி நிறுவனமான எம்டிஎன்-னுடான இணைப்பு இல்லையென்றவுடன் முதலில் துள்ளிக் குதித்த பாரதி பங்கு, வெகு சீக்கிரத்திலேயே ஆடி அடங்கி விட்டது. எம்டிஎன்னுடன் இணையாததால் சில அபாயங்கள் நீங்குகின்றன என்று அந்த பங்கினை அதிக விலையில் வாங்கி வைத்து ஆசையுடன் காத்திருந்த பலருக்கு பாரதி ஒரு பெரிய புஸ்வாணமாகவே அமைந்தது. இரண்டாவது புஸ்வானம் - ரிலையன்ஸ் பத்து ஆண்டுகளுக்கு பின்னர் ரிலையன்ஸ் நிறுவனம் தனது பங்குதாரர்களுக்கு போனஸ் பங்கு கொடுப்பதாக அறிவித்தது. இந்தியாவின் 'நம்பர்-ஒன்' வணிகத் தாளான எகோநோமிக் டைம்ஸ் பத்திரிக்கை, தீபாவளி வாணவேடிக்கை ஆரம்பித்து விட்டதாக முதல் பக்கத்தில் தலைப்ப...

பொதுத் தேர்தலுக்காக ஐபிஎல் கிரிக்கெட் போட்டிகளை தள்ளி வைக்கலாமா?

உலகிலேயே அதிகம் பேர் வாக்களிக்கும் உரிமையுள்ள இந்தியப் பொதுத் தேர்தல் ஒரு பக்கம். உலக கிரிக்கெட் வரலாற்றிலேயே அதிக பரிசுத் தொகை மற்றும் வருமானம் கொண்ட ஐபிஎல் கிரிக்கெட் போட்டிகள் மறுபக்கம். இந்த இரண்டு முக்கிய நிகழ்வுகளும் ஒரே சமயத்தில் (ஏப்ரல் - மே 2009) ஒரு சேர அமைந்து விட பாதுகாப்பு காரணங்களுக்காக ஐபிஎல் தள்ளி வைக்கப் படுகின்ற சூழல் இப்போது ஏற்பட்டுள்ளது. இந்த நிலை பற்றி இங்கு விவாதிப்போம். முதலில் ஐபிஎல் போட்டிகள் தள்ளி வைக்கப் பட வேண்டும் என்று சொல்வோரின் வாதங்களைப் பார்க்கலாம். பாகிஸ்தானில் இலங்கை கிரிக்கெட் வீரர்கள் தாக்கப் பட்டதற்கு பின்னர், இந்த போட்டிகளுக்கான பாதுகாப்பை பலப் படுத்துவது மிக அவசியமான ஒன்று என ஆகி விட்டது. பல உளவுத் துறை அமைப்புகள், பாகிஸ்தான் தாக்குதல் சம்பவத்தைப் போல இந்தியாவிலும் நடைபெறலாம் என்று எச்சரித்துள்ள நிலையில், பாதுகாப்பு விஷயத்தினை எளிதாக எடுத்துக் கொள்ள முடியாது. ஐபிஎல் போட்டி சமயத்திலேயே இந்தியாவின் ஐந்து கட்ட பொதுத்தேர்தலும் அமைந்து விடுவதால் இரண்டு இடங்களிலும் பாதுகாப்பு அளிப்பது சிரமமான காரியமாகி விடும். மேலும், கிரிக்கெட் போட்டிகளுக்கான பாது...

இந்தியா தாக்குப் பிடிக்குமா?

இன்றைய உலகப் பொருளாதாரத் தேக்க நிலையில், இந்தியாவால் தாக்குப் பிடிக்க முடியுமா என்பது பற்றி பார்ப்போம். சமீபத்தில் வெளியிடப் பட்ட மத்திய புள்ளியல் (மத்திய அரசு) நிறுவனத்தின் மதிப்பீட்டின் படி இந்தியப் பொருளாதாரம் நடப்பு நிதியாண்டில் 7.1 சதவீதம் வளர்ச்சியுறும் என்று தெரிகிறது. இது சரியாக இருக்கும் பட்சத்தில் உலகிலேயே இரண்டாவதாக வேகமாக வளர்ச்சியுறும் நாடு இந்தியாவாகத்தான் இருக்கும் (சீனா முதலாவது). சென்ற ஆண்டில் ஒன்பது சதவீதம் வளர்ச்சி பெற்றிருந்த இந்தியப் பொருளாதாரம் செப்டம்பர் 2008 வரையிலான முதல் அரையாண்டில் 7.80% வளர்ச்சிப் பெற்றிருந்தது. பொதுவாகவே பண்டிகைக் காலமாக கருதப் படுகிற இரண்டாவது அரையாண்டே தொழிற் துறையில் அதிக வளர்ச்சியைக் காட்டும் என்றாலும் இந்த முறை இந்தியத் தொழில் துறை பெரும் தேக்க நிலையில் இருந்து வந்திருக்கிறது என்பது கவனிக்கத் தக்கது. இந்திய தொழிற் வளர்ச்சி கடந்த இரு மாதங்களாக மிகவும் குறைந்து காணப் படுவதாலும் ஏற்றுமதியோ இறங்குமுகத்தில் இருப்பதாலும் இந்திய அரசாங்கம், மார்ச் 2009 வரையிலான நிதி ஆண்டின் இரண்டாவது அரையாண்டில் நமது பொருளாதாரம் குறைந்த வளர்ச்சியே (6.30%) இரு...