Wednesday, October 8, 2008

கிரிக்கெட் - சில அடிப்படை தகவல்கள்


நேற்று ஒரு தொலைக் காட்சியில் பார்த்தேன். நாளை மறு நாள், கிரிக்கெட் மேட்ச் என்று தலைப்பு செய்திகளில் வந்தது. பரபரப்பு தொற்றி கொண்டது.

இன்றைக்கோ, (வங்கப்) புலியின் ஒய்வு குறித்து நாடே (பாராளுமன்ற சபாநாயகர் உட்பட) கவலைப் படுகிறது.

இந்த பரப்பான சூழ்நிலையில், கிரிக்கெட்டைப் பற்றி சில அடிப்படை தகவல்கள் (மட்டுமே) இங்கே.

கிரிக்கெட் ஒரு காலனி விளையாட்டு.

முன்னாள் பிரிட்டிஷ் அரசிடம் அடிமைப் பட்டிருந்த நாடுகள் மட்டுமே இந்த விளையாட்டில் உண்டு.

கிரிக்கெட் சர்வதேச அங்கீகாரம் பெறாத ஒரு விளையாட்டு.

ஒலிம்பிக், ஏசியாட் போன்ற சர்வதேச அரங்குகளில் இந்த விளையாட்டுக்கு இடம் இல்லை.

கிரிக்கெட் விளையாட்டுத் திறன் (Athletic skills) மிகுந்த நாடுகள் அக்கறை காட்டாத ஒரு விளையாட்டு.

உடல் திறனை உலக அரங்குகளில் காட்டும், சீனா, அமெரிக்கா, ரஷ்யா, ஜெர்மனி, கொரியா மற்றும் ஜப்பான் போன்ற நாடுகளில் கிரிக்கெட் இல்லை. (ஆஸ்திரேலியா மற்றும் இங்கிலாந்து மட்டுமே விதி விலக்கு)

கிரிக்கெட் புள்ளி விவரங்களின் விளையாட்டு

இன்றைக்கு டெண்டுல்கர் இத்தனையாவது முறை களம் இறங்குகிறார், இத்தனை ரன் எடுத்தார், இத்தனையாவது முறை இத்தனை ரன் எடுத்தார் என்று புள்ளி விவரங்களால் நம்மை புல்லரிக்க வைக்கும் விளையாட்டு இது.

கிரிக்கெட் ஒரு ஜென்டில்மேன்களின் விளையாட்டு.

ஐந்து நாட்கள் தொடர்ந்து விளையாடினாலும் கூட, வேர்வை சிந்த தேவையில்லாத விளையாட்டு இது.

கிரிக்கெட் ஒரு பொழுது போகாதவர்களின் விளையாட்டு.

ஐந்து நாள் போட்டி, ஒரு நாள் போட்டி மற்றும் ௨0-௨0 ஓவர் போட்டி (இது கூட கொஞ்ச அதிக நேரம்தான்) என்று வருடம் முழுக்க இருந்தாலும், அதனை பார்க்க ஆட்களும் உண்டு, அதனை நாள் முழுக்க கவரேஜ் செய்ய தொலைக் காட்சிகளும் உண்டு மற்றும் முதல் பக்கத்தில் போட பத்திரிக்கைகளும் உண்டு.

கிரிக்கெட் ஒரு முட்டாள்களின் விளையாட்டு

இதனை சொன்னவர், பேரறிஞர் பெர்னார்ட் ஷா அவர்கள்

"Cricket is a game played by 22 fools and followed by 22,000 fools".

இப்போது ஒரே ஒரு வித்தியாசம், தொலைக் காட்சிகளின் உபயத்தால், ஆயிரத்தை, கோடியாக மாற்ற முடிந்துள்ளது.

இப்போது சொல்லுங்கள்.

இப்படிப்பட்ட கிரிக்கெட், இந்தியாவின் தேசிய மதம் என்றும், டெண்டுல்கர் அதன் கடவுள் என்றும், டோனி ஒரு சிங்கம் என்றும், கங்குலி ஒரு (வங்கப்) புலி என்றும், டிராவிட் ஒரு (பெருஞ்ச்) சுவர் என்றும் கூச்சல் இடுவது வேடிக்கையாக இல்லையா?

இத்தகைய வெறித்தனமான கிரிக்கெட் பற்று, தானாக உருவானது அல்ல, ஊடக விற்பன்னர்களால் மிகுந்த திட்டமிட்டு உருவாக்கப் பட்ட ஒன்று.

சிந்திப்போம்.


மீண்டும் சிந்திப்போம்.

7 comments:

இனியா said...

Yes, you are absolutely right. Also, all other good games/sports do not get any attention/recognition as we all got addicted to this game of Lords/Lazy People.

வால்பையன் said...

சாட்டையடி

Thamizhmaangani said...

//சீனா, அமெரிக்கா, ரஷ்யா, ஜெர்மனி, கொரியா//

சீனாவில் கிரிக்கெட் விளையாடுவது உண்டு. பெண்கள் அணிகள்கூட உள்ளது. ஆனால் அவ்வளவு பிரபலம் கிடையாது.

//வேர்வை சிந்த தேவையில்லாத விளையாட்டு இது.//

வேகாத வெயில training பண்ணி,வெந்து அவ்வளவு நேரம் fieldல நின்னு விளையாடுகிறார்கள். வேர்வையே வராதா? யாரு சொன்னது??

//கிரிக்கெட் ஒரு பொழுது போகாதவர்களின் விளையாட்டு.//

அப்படி பார்த்தால் எல்லாம் விளையாட்டும் பொழுது போகாதவர்களின் விளையாட்டு தான். வேற வேலை இருந்தால் எதுக்கு விளையாடனும்?

//"Cricket is a game played by 22 fools and followed by 22,000 fools".//

அப்படி பார்க்க போனால் காற்பந்தும் இதுக்கு உகந்தது தான்.
உண்மை தான் இந்தியா போன்ற நாடுகளில் கிரிக்கெட் வெறித்தனமாக ஓடிகிட்டு இருக்கு. அதுக்குன்னு கிரிக்கெட் மேல் பழி சொல்வது எந்த விதத்திலும் நியாயம் இல்ல...

maximum india said...

நண்பரே!

தங்கள் கேள்வி அனைத்திற்கும், உங்கள் கேள்விகளிலேயே பதில் இருக்கிறது. ஒன்றைத் தவிர.

// வேகாத வெயில training பண்ணி,வெந்து அவ்வளவு நேரம் fieldல நின்னு விளையாடுகிறார்கள். வேர்வையே வராதா? யாரு சொன்னது??//

நீங்கள் ஒரு நாள் முழுவதும் கிரிக்கெட் விளையாடுங்கள். பிறகு ஒரு மணி நேரம் தொடர்ந்து பூப்பந்து அல்லது கால் பந்து விளையாடுங்கள். பிறகு தெரியும். எவ்வளவு சக்தி தேவை ஒவ்வொரு விளையாட்டுக்கும் என்று.

மற்றபடிக்கு, நான் கிரிக்கெட் விளையாதவனோ அல்லது கிரிக்கெட்டை விரும்பாதவனோ கிடையாது.

என்னுடைய ஆதங்கம் கடைசி பத்தி மட்டுமே.

// இத்தகைய வெறித்தனமான கிரிக்கெட் பற்று, தானாக உருவானது அல்ல, ஊடக விற்பன்னர்களால் மிகுந்த திட்டமிட்டு உருவாக்கப் பட்ட ஒன்று.//

தங்கள் பின்னூட்டத்திற்கு நன்றி.

Joe said...

I was a big time Cricket fan until I was 18.

I don't agree that one doesn't have to sweat in Cricket but it's not such a great game as the media or the majority of India project it as...

I have started following football in the last decade, for reasons like
1. It's much more interesting
2. It doesn't consume the whole day, you may watch it for 2 hours and still get on with your work or other activities in a day.
3. Other than world cup football which happens once in 4 years, you don't have to keep track of schedules of football games between two countries, as there aren't many, between two world cups.

Football rules!

கபீஷ் said...

Good one! u resembled my thoughts

Maximum India said...

Dear Kabeesh

Thank you for the comments

Blog Widget by LinkWithin